എല്ലാവര്‍ക്കും ഇടമുള്ള ഭൂപടം നിഷാദ് തളിക്കുളം എല്ലാവര്‍ക്കും ഇടമുള്ള ഭൂപടം വഴിവിളക്കിന്റെ വെളിച്ചത്തിരുന്ന്എത്രകാലം നാംസ്വാതന്ത്ര്യത്തിന്റെ സ്വപ്നങ്ങള്‍ നെയ്തു.എത്ര ജീവന്‍ ബലികൊടുത്തുനാംമൂന്നിറപ്പതാകയൊന്നുയര്ത്തുവാന്.മംഗള്‍പാണ്ഡെയില്‍ നിന്ന്മംഗള്യാനിലേക്കുള്ള ദൂരംഎത്ര ഭംഗിയായി അളന്നു തീര്‍ന്നു.ആഗസ്റ്റിന്റെ ആണ്ടറുതികളില്ആഞ്ഞുകയറും കയ്പുരസത്തില്വറുതിയെണ്ണുന്ന ആദിവാസികള്നിന്നു തീരുന്ന ആദിസ്വപ്നങ്ങള്‍.ചരിത്രം പുറംകാലുകൊണ്ട് തട്ടിചവറ്റുകൊട്ടയില് തള്ളാനുള്ളതല്ല.വിളക്കുമാടത്തില്‍ നാട്ടിമുന്നേറാനുള്ളതാണ്.ഉയരത്തിലിരുന്ന് നമ്മെ നോക്കാന്വല്യേട്ടന്മാര് ഇനിയുംവരും.വളച്ചൊടിക്കാനുംതിരിച്ചുകൊണ്ട് പോകാനുംചിലപ്പോള് പുതിയത് രചിക്കാനും.ഇരുമ്പഴിയിലെ ഇരുള്വീഴ്ചക്ക്കരിനിയമങ്ങളുടെ ചീഞ്ഞമണമാണ്.തടവറയിലെ തണുത്ത ഇരുട്ട്വെയില് ചൂട് സ്വപ്നം കാണുന്നു.സഞ്ചാര സ്വപ്നങ്ങളുടെചങ്കില് കുത്തും ചുങ്കത്തറകള്പ്രിയപ്പെട്ടതെല്ലാം ചോര്ത്തുംപ്രിസത്തില് ചാരവലക്കണ്ണികള്ഓരോന്നായ് പൊട്ടിച്ചെറിയുംസ്നോഡന്മാര് ഒന്നിച്ചെത്തുംവരെകൂട്ടമായ് സൈബര്‍ ദാഹികള്ക്ക്വാട്ട്സ് ആപ്പില്‍ കയറിയിറങ്ങികാലം കൊതിച്ചു തീര്‍ക്കാം.പുഴ മൊത്തമായ് വിറ്റ്മീനുകള് ഇനിമുതല്‍ ഇറക്കുമതി ചെയ്ത്ലോകബാങ്കിന്റെ കടം വീട്ടാം.മെട്രോ റെയിലിലൂടെ പെട്ടെന്ന് അട്ടപ്പാടിയിലെത്താം.ആദിവാസിപ്പെണ്ണുങ്ങളുടെഗര്ഭകാല ചികിത്സയില്ഗവേഷണബിരുദം നേടി ചാനല്‍ ചര്ച്ചയില്ഞെളിഞ്ഞിരിക്കാം.ഗാന്ധിക്കെട്ടുകള്‍ ചില്ലറ ഡോളറിന്അന്താരാഷ്ട്ര വിപണിയില്‍ തൂക്കിവില്‍ക്കാം.എല്ലാ ജീവനുംആവിയായിത്തീരും വരെആണവക്കരാറുകള്ഒപ്പിട്ടുകൊണ്ടേയിരിക്കാം.ഒളിഞ്ഞും തെളിഞ്ഞുംഒളിക്കാമറ കണ്ണുകള്വഴിയോരങ്ങളില്,കാലിച്ചന്തയില്‍,കടത്തിണ്ണയില്‍ കിടപ്പറയില്‍...കരുതിയിരിക്കുക.ആഗോള ദല്ലാളന്മാര്‍ ഇനിയുമെത്തുംഭരണകൂടത്തില് ഒളിഞ്ഞിരുന്ന്പ്രതിവിപ്ലവത്തിന്റെ തീപ്പൊരിയെറിഞ്ഞ്പുതുവസന്തങ്ങളെ കരിച്ചുകളയാന്‍.ഇരുള്‍ നീളുമീ വഴിയില്പൂച്ചക്കണ്ണുകള് പോലെഎപ്പോഴെങ്കിലുംസ്വാതന്ത്ര്യത്തുള്ളികള് തിളങ്ങാം.എല്ലാവര്‍ക്കും ഇടമുള്ള ഭൂപടം തീര്ക്കാന്ഗാന്ധിമാര് ഇനിയുമെത്തും.പുതിയ പാഠശാലകള്‍ തുറക്കാന്മലാലമാരെത്തും.മയിലമ്മമാര്‍ പുതിയ ജലരാശി തീര്‍ക്കും.ബുള്ഡോസറുകള്ക്ക്ഞെരിച്ചമര്ത്താനാകാത്തറേച്ചല്കോറിമാര് പിറവിയെടുക്കുംകരിനിയമങ്ങള്കാറ്റില് പറത്താന്ഇറോമുമാരെത്തും.അതുവരെ.........? നിഷാദ് തളിക്കുളം
Comments