Search

എന്തിനായിരുന്നു...? 

കൈ പിടിച്ചപ്പോള്‍ അവള്‍ക്ക് 
അഛനായിരുന്നു. 
തോളിലെ കൈയിടലുകളില്‍ 
കൂട്ടുകാരനായിരുന്നു. 
ഒരുമിച്ചിരുന്നപ്പോള്‍ 
ചേട്ടനായിരുന്നു. 
ഒന്നുമല്ല. 
ചോര തിരിച്ചറിയാത്തവര്‍ 
കുപ്പായക്കുടുക്ക് പൊട്ടിച്ചതിനിടയിലെപ്പോഴോ 
കുട്ടിത്തം കട്ടുപോയതറിയാത്ത 
അവളുടെ വലിയ മിഴികള്‍ 
കരുണ അര്‍ഥിച്ചു; 
എന്തിനായിരുന്നു എന്നോടിത്..? 
വെള്ള പുതപ്പിച്ച ശരീരം മണ്ണോടടുക്കുമ്പോള്‍
ആരുമുണ്ടായിരുന്നില്ല 
സമ്മതം ചൊല്ലാന്‍ 
ചിതറിത്തെറിച്ച സ്വപ്‌നങ്ങളും 
കുപ്പിവളകളുമല്ലാതെ. 
ഏതിലാണ് രമിക്കേണ്ടതെന്നറിയാതെ 
മാനവന്റെ കാമന ചിതറിത്തെറിക്കുകയാണ്. 
പുതിയ മണ്ണില്‍ അശുദ്ധിയുടെ
രക്തമൊഴുക്കിക്കൊണ്ട്. 
എന്നു നന്നാവുമീ 
നാടും മനുഷ്യരും..!