Search

ഇരുപത്തിയൊന്ന്

വിടരാന്‍ കൊതിക്കുന്ന-

പനിനീര്‍ മൊട്ടിനെ-

ചെടി മുള്ളുകൊണ്ട്-

കുത്തിനോവിക്കുന്ന-

ഈ നൂറ്റാണ്ടിന്റെ-

പേര്..

ഇരുപത്തിയൊന്ന്.

 

ബിസാറയിലെ ദാദ്രിയോര്‍ത്തും

ദല്‍ഹിയിലെ പെണ്‍കുട്ടിയെ

ഓര്‍ത്തും കാലം വിതുമ്പിയ 

ഈ നൂറ്റാണ്ടിന്റെ പേര്

ഇരുപത്തിയൊന്ന്.

 

സഹയാത്രികരില്ലാത്ത-

ബോഗിയിലെ സൗമ്യ ഭാവത്തെ

പുറത്തേക്കെറിഞ്ഞ്

കാമം തീര്‍ത്തവന്‍

സുഖസൗകര്യത്തിനായി തടവറയില്‍

ശാഠ്യം പിടിച്ച

ഈ നൂറ്റാണ്ടിന്റെ പേര്

ഇരുപത്തിയൊന്ന്.

 

പതിവ്രത ചമഞ്ഞ്-

മനവും തനുവും 

കാമുകന് സമര്‍പ്പിച്ച്

കണവനെ കൊത്തി നുറുക്കുന്ന

ഈ നൂറ്റാണ്ടിന്റെ പേര്

ഇരുപത്തിയൊന്ന്.

 

ഓരോ രാത്രിയും പകലും 

ഒരഛനെ ഒരു ബന്ധുവിനെ

ഒരു സുഹൃത്തിനെ...

ഒരധ്യാപകനെ ഒരപരിചിതനെ

ഭയന്നിരിക്കുന്ന 

ഈ നൂറ്റാണ്ടിന്റെ പേര്

ഇരുപത്തിയൊന്ന്.