ദൈവത്തിന്റെ വീട്
സത്യചന്ദ്രന്‍ പൊയില്‍ക്കാവ്
അവരുടെ നിലവിളിയാണ്നമ്മുടെ പ്രാര്‍ഥന
അദ്ദേഹം പറഞ്ഞു
അങ്ങനെയാണ്
ഒരു പ്രത്യേക സമുദായത്തില്‍പെട്ടവരെ
കൊല്ലുന്നതില്‍ പാപമില്ലെന്ന കവിത
ഞാന്‍ എഴുതിയതും
പ്രസിദ്ധീകരിച്ചുവന്നതും
അതോടെ ഞാന്‍
ആസ്ഥാന കവിയായി
അഭിമുഖങ്ങള്‍
ആത്മഭാഷണങ്ങള്‍
ആനന്ദത്തിന്റെ വഴികള്‍ പലതും
തുറക്കപ്പെട്ടു
മറ്റുള്ളവരുടെ സാന്നിധ്യം
മറ്റുള്ളവരുടെ നന്മ
മറ്റുള്ളവരുടെ പ്രാര്‍ഥന
ഒന്നും നമുക്ക് വേണ്ട
നമ്മുടെ ദൈവത്തിനു വേണ്ട
ഞാന്‍ പറഞ്ഞുതുടങ്ങി
അങ്ങനെ എന്റെ പേര് ഞാന്‍ മറന്നു
എന്റെ മതം മാത്രം ഞാന്‍ ഓര്‍ത്തു.
എനിക്കു ചുറ്റും ഇപ്പോള്‍ ദൈവങ്ങള്‍
വാടകക്ക് കൊടുത്ത വീടുകളാണ്
കാലത്തിന്റെ ശൂന്യതയാണവിടത്തെ
താമസക്കാര്‍.
ദൈവം
തേന്‍ നുകര്ന്നപൂമ്പാറ്റയോട് പൂവ്
നീ വിശ്വസിച്ചാലും ഇല്ലെങ്കിലും
നീ ദൈവത്തെ അനുഭവിക്കുന്നു.
കുടിയിറക്ക്
കട്ടിലില്‍ ചെവി-ചേര്‍ത്താല്‍ കേള്‍ക്കും
പാര്‍പ്പിടം നഷ്ടപ്പെട്ട
ഇണകളെ ഓര്‍ക്കുന്ന
ഒരു കാടിന്റെ വിലാപം.
പോരാളി
ചിരട്ടയില്അവശേഷിച്ച
ഒരു നീര്‍ത്തുള്ളി
വെയിലിനോട് ...
വീണ്ടും നിനക്കെതിരില്‍
മഴയായി വരും.
ദൗത്യം
ഒരു ഉറുമ്പിനെചിറകിലൊളിപ്പിച്ച്
മുറ്റത്തൊരില
കരിഞ്ഞു തീരുവോളം
തണലാകുമെന്ന്
വെയിലിനോട്.
കെ.ടി. അസീസ്‌
Comments