വീതംവെപ്പ്
മുനീര് മങ്കട
മഴ നനയാന് കൊതിച്ച്
മഞ്ഞുകൊണ്ടിരിക്കവെയാണ്
വേനല് വന്നു വിളിച്ചത്.
പുഴ കാണാന് കൊതിച്ച്
പൂഴിമണലിലിരിക്കവെയാണ്
മണല്ക്കുഴിയില് പതിച്ചത്.
കുന്നു കേറാന് കൊതിച്ച്
താഴ്വരകള് താണ്ടവെ
യന്ത്രമുരള്ച്ചകളാണെതിരേറ്റത്.
പറന്നു പോകുന്ന മലഞ്ചെരിവുകള്,
പടര്ന്നു കയറുന്ന വേനല്പക,
വരണ്ടുണങ്ങുന്ന പുഴനിലാവുകള്
കര, കടല്, ആകാശം...
വീതംവെക്കലിന്റെ തത്രപ്പാടുകള്...
Comments