ജെന്‍ഡര്‍ പൊളിറ്റിക്‌സും ജെന്‍ഡര്‍ ന്യൂട്രല്‍ യൂനിഫോമും തമ്മിലെന്ത്?
ജെന്‍ഡര്‍ ന്യൂട്രല്‍ യൂനിഫോം: സിദ്ധാന്തവും പ്രയോഗവും - 2
എതിര്‍വര്‍ഗ ലൈംഗികതയാണ് സ്വാഭാവികമെന്ന പൊതുബോധത്തെ തകര്‍ത്ത് സ്വവര്‍ഗ ലൈംഗികത മുതല്‍ മൃഗരതി വരെയുള്ള ഏത് തരം ലൈംഗികതകളും സ്വാഭാവികമാണെന്ന പൊതുബോധത്തെ നിര്‍മിക്കാനായി നടത്തുന്ന എല്ലാ വിധത്തിലുള്ള പരിശ്രമങ്ങളെയും ചേര്‍ത്ത് വിളിക്കുന്നതാണ് ജെന്‍ഡര്‍ പൊളിറ്റിക്‌സ് അഥവാ എല്‍ജിബിറ്റി ആക്ടിവിസം. സ്ത്രീയോട് ലൈംഗികാകര്‍ഷണം തോന്നുന്ന പുരുഷന്, പുരുഷനോട് ലൈംഗികാകര്‍ഷണം തോന്നുന്ന സ്ത്രീ എന്നിങ്ങനെ പരമ്പരാഗതമായി വ്യവഹരിക്കപ്പെടുന്ന ദ്വന്ദ്വങ്ങളാണ് പ്രകൃതിപരമെന്നും അതല്ലാത്തതെല്ലാം പ്രകൃതിവിരുദ്ധമോ ചികിത്സയാവശ്യപ്പെടുന്ന വൈകല്യങ്ങളോ ആണെന്നുമുള്ള ധാരണകള്‍ തെറ്റാണെന്ന് പ്രചരിപ്പിക്കുകയും പുരുഷനോട് ആകര്‍ഷണം തോന്നുന്ന പുരുഷന് (Gay), സ്ത്രീയോട് ആകര്‍ഷണം തോന്നുന്ന സ്ത്രീ(Lesbian), സ്ത്രീയോടും പുരുഷനോടും ഒരേപോലെ ആകര്‍ഷണം തോന്നുന്ന സ്ത്രീ-പുരുഷന്മാര്‍ (Bisexual), പൊതുവ്യവഹാരങ്ങളില്‍ വിചിത്രമെന്ന് തോന്നിക്കുന്ന ലൈംഗികാഭിരുചികള്‍ പ്രകടിപ്പിക്കുന്നവര്‍(Queer) എന്നീ ലൈംഗിക ന്യൂനപക്ഷങ്ങളുടെ അവകാശങ്ങള്‍ക്ക് വേണ്ടി പരിശ്രമിക്കുകയും ചെയ്യുന്നതാണ് ജെന്‍ഡര്‍ പൊളിറ്റിക്‌സ് എന്നാണ് അതിന്റെ വക്താക്കളുടെ നിര്‍വചനം.
എന്നാല്‍, ആണ്‍-പെണ്‍ സ്വവര്‍ഗാനുരാഗങ്ങളും ഉഭയലൈംഗികതയും മുതല്‍ ക്വിയര്‍ എന്ന് വിശേഷിപ്പിക്കാവുന്ന ശിശുരതി, മൃഗരതി, ശവരതി, അഗമ്യഗമനം എന്നിവ വരെയുള്ള വൈകൃതങ്ങളായി ഇത്രയും കാലം മനുഷ്യരാശി കരുതിപ്പോന്ന സകലവിധ ലൈംഗികാഭിനിവേശങ്ങളും സ്വാഭാവികവും പ്രകൃതിപരവും ജനിതകവുമാണെന്ന് സമര്‍ത്ഥിക്കുകയും, അതിനാല്‍ അവയെ ചികില്‍സിക്കുകയോ മാറ്റാന്‍ ശ്രമിക്കുകയോ ചെയ്യുന്നത് ലൈംഗിക ന്യൂനപക്ഷങ്ങളോടുള്ള ആക്രമണമാണെന്ന് സിദ്ധാന്തിക്കുകയും, അത് മാറ്റാനുള്ള പരിശ്രമങ്ങളെയും അങ്ങനെ മാറ്റാന്‍ കഴിയുമോയെന്ന പഠനങ്ങളെയും അത് പ്രകൃതിപരവും ജനിതകവും തന്നെയാണോയെന്ന് വിമര്‍ശനാത്മകമായി പരിശോധിക്കുന്ന ഗവേഷണങ്ങളെയുമെല്ലാം അധികാരവും ശക്തിയും നിയമവും പ്രചാരണ മാധ്യമങ്ങളുമുപയോഗിച്ച് തകര്‍ക്കുകയും ചെയ്യുന്ന അന്താരാഷ്ട്രതലത്തില്‍ നിലനില്‍ക്കുന്ന ലോബിയിങ്ങാണ് യഥാര്‍ഥത്തില്‍ ജെന്‍ഡര്‍ പൊളിറ്റിക്‌സ്. തങ്ങളുടെ ചെയ്തികളെല്ലാം ശാസ്ത്രീയവും മനുഷ്യാവകാശസംരക്ഷണത്തിനുവേണ്ടിയുള്ളതുമാണ് എന്ന് സമര്‍ത്ഥിക്കാന്‍ അവരുപയോഗിക്കുന്ന ജെന്‍ഡര്‍ തിയറി (Gender Theory) യുടെയും ക്വിയര്‍ തിയറി(Queer Theory)യുടെയും അവസ്ഥയെന്താണെന്ന് നാം നേരത്തെ മനസ്സിലാക്കിയിട്ടുണ്ട്.
ഹെറ്ററോ നോര്‍മേറ്റിവിറ്റി തകര്‍ക്കുകയാണ് ജെന്‍ഡര്‍ പൊളിറ്റിക്‌സിന്റെ ലക്ഷ്യമെന്ന് പറഞ്ഞല്ലോ. അങ്ങനെ തകര്‍ക്കുന്നതെന്തിന് എന്നും തകര്‍ക്കാന്‍ ശ്രമിക്കുന്നത് എന്തൊക്കെയാണെന്നും എല്‍ജിബിറ്റി ആക്ടിവിസത്തിന്റെ ആദ്യകാല വക്താക്കള്‍ തന്നെ വ്യക്തമാക്കിയിട്ടുണ്ട്. 1987 ഫെബ്രുവരി 15-21-ന്റെ ഗേ കമ്മ്യൂണിറ്റി ന്യൂസില്‍ (Gay Community News) മിക്കായേല്‍ സ്വിഫ്റ്റ് എഴുതിയ 'സ്വവര്‍ഗാനുരാഗിയായ വിപ്ലവകാരി' (Gay Revolutionary) എന്ന ലേഖനം 1980-കളുടെ അവസാനത്തില്‍ ആരംഭിച്ച ജെന്‍ഡര്‍ പൊളിറ്റിക്‌സിന്റെ ലക്ഷ്യമെന്താണെന്ന് വ്യക്തമാക്കുന്നുണ്ട്. ലേഖനത്തിന്റെ പരിഭാഷ വായിക്കുക:
''നിങ്ങളുടെ ആണ്‍കുട്ടികളെയും ദുര്‍ബലമായ പൗരുഷമുദ്രകളെയും സഭ്യമല്ലാത്ത നുണകളെയും പൊള്ളയായ സ്വപ്‌നങ്ങളെയും ഞങ്ങള്‍ സ്വവര്‍ഗാനുരാഗികളാക്കിത്തീര്‍ക്കും. നിങ്ങളുടെ സ്‌കൂളുകളിലും പൊതുശയനമുറികളിലും കളരികളിലും സൂക്ഷിപ്പുപുരകളിലും കളിക്കളങ്ങളിലും മതപാഠശാലകളിലും യുവജനകൂട്ടായ്മകളിലും സിനിമാശാലകളിലെ കുളിപ്പുരകളിലും സൈനികനിലവറകളിലും ചരക്കുവണ്ടികള്‍ നിറുത്തുന്നിടങ്ങളിലും ആണ്‍ക്ലബുകളിലും പ്രതിനിധിസഭാമന്ദിരങ്ങളിലും, എവിടങ്ങളിലെല്ലാം പുരുഷനും പുരുഷനും ഒരുമിച്ചാവുന്നുണ്ടോ അവിടങ്ങളിലെല്ലാം ഞങ്ങള്‍ അവരെ മോഹിപ്പിക്കും. നിങ്ങളുടെ ആണ്‍മക്കള്‍ ഞങ്ങളുടെ വിനീതസേവകരാവുകയും ഞങ്ങള്‍ക്കായി വിലപേശുകയും ചെയ്യും. ഞങ്ങളുടെ പ്രതിച്ഛായക്കനുസരിച്ച് അവരെ ഞങ്ങള്‍ ഉടച്ചുവാര്‍ക്കും. ഞങ്ങള്‍ക്കടുത്തെത്തി അവര്‍ കെഞ്ചുകയും ഞങ്ങളെ അവര്‍ പൂജിക്കുകയും ചെയ്യും.
സ്ത്രീകളേ, സ്വാതന്ത്ര്യത്തിനായി നിങ്ങള്‍ മുറവിളി കൂട്ടുക. പുരുഷന്മാരില്‍ നിങ്ങള്‍ സംതൃപ്തരല്ലെന്ന് പറയുക; അവര്‍ നിങ്ങളെ സന്തോഷിപ്പിക്കുന്നില്ലല്ലോ. പൗരുഷമുള്ള മുഖത്തെയും പൗരുഷമുള്ള ശരീരത്തെയും വിലയിരുത്തുന്നതില്‍ വിദഗ്ധരായ ഞങ്ങള്‍ അപ്പോള്‍ നിങ്ങളുടെ ആണുങ്ങളെ നിങ്ങളില്‍ നിന്ന് കൊണ്ടുപോകും. അവരെ ഞങ്ങള്‍ ആനന്ദിപ്പിക്കും; അവരോട് ഞങ്ങള്‍ നിഷ്‌കര്‍ഷിക്കും; അവര്‍ തേങ്ങുമ്പോള്‍ ഞങ്ങള്‍ അവരെ ആലിംഗനം ചെയ്യും. പെണ്ണുങ്ങളേ, ആണുങ്ങളോടൊപ്പം ജീവിക്കുന്നതിനേക്കാള്‍ നിങ്ങള്‍ക്കിഷ്ടം നിങ്ങള്‍ക്ക് പരസ്പരം ഒന്നിച്ച് ജീവിക്കുവാനാണെന്ന് നിങ്ങള്‍ പറയൂ. അങ്ങനെ നിങ്ങള്‍ ഒന്നിച്ച് കഴിയൂ. നിങ്ങളുടെ ആണുങ്ങള്‍ക്ക് അവര്‍ ഇന്നോളം അറിഞ്ഞിട്ടില്ലാത്ത ആനന്ദം ഞങ്ങള്‍ നല്‍കും; കാരണം ഞങ്ങളാണ് ആണുങ്ങളില്‍ അഗ്രഗണ്യര്‍; പുരുഷനെ യഥാരൂപത്തില്‍ എങ്ങനെ ആനന്ദിപ്പിക്കാമെന്ന് മറ്റൊരു പുരുഷന് മാത്രമേ അറിയാനാകൂ; അയാളുടെ തീവ്രതയും വൈകാരികാനുഭവവും, ശരീരവും മനസ്സുമെല്ലാം അറിയാന്‍ മറ്റൊരു പുരുഷന് മാത്രമേ കഴിയൂ.
സ്വവര്‍ഗാനുരാഗവുമായി ബന്ധപ്പെട്ട പ്രവര്‍ത്തനങ്ങളെ വിലക്കുന്ന നിയമങ്ങളെല്ലാം പിന്‍വലിക്കപ്പെടും. ആണുങ്ങള്‍ തമ്മില്‍ അനുരാഗമുണ്ടാക്കുന്നതിനാവശ്യമായ രൂപത്തിലുള്ള നിയമനിര്‍മ്മാണങ്ങള്‍ നടക്കും. സ്വവര്‍ഗാനുരാഗികളെല്ലാം സഹോദങ്ങളെപ്പോലെ ഒറ്റക്കെട്ടായി നിലകൊള്ളണം. കലാപരമായും ദാര്‍ശനികമായും സാമൂഹികമായും രാഷ്ട്രീയമായും സാമ്പത്തികമായും നാം ഐക്യപ്പെട്ടേ മതിയാകൂ. നീചരായ നമ്മുടെ എതിര്‍വര്‍ഗാനുരാഗീശത്രുക്കളുടെ (Heterosexual Enemy) മുന്നില്‍ ഒരു പൊതുമുഖം പ്രദര്‍ശിപ്പിക്കുമ്പോള്‍ മാത്രമേ നമുക്ക് വിജയിക്കാനാവൂ. കുഴ(Faggot), യക്ഷി(Fairy), വിചിത്രം (Queer) എന്നിങ്ങനെ ഞങ്ങളോട് അലറാന്‍ നിങ്ങള്‍ ധൈര്യം കാണിക്കുകയാണെങ്കില്‍ നിങ്ങളുടെ ഭീരുത്വമുള്‍ക്കൊള്ളുന്ന ഹൃദയം ഞങ്ങള്‍ കുത്തിപ്പിളര്‍ത്തുകയും ദുര്‍ബലമായ നിങ്ങളുടെ ശവശരീരത്തെ വികൃതമാക്കുകയും ചെയ്യും.
ആണുങ്ങള്‍ തമ്മിലുള്ള അനുരാഗത്തെക്കുറിച്ച് ഞങ്ങള്‍ കവിതകളെഴുതും; പുരുഷന് പുരുഷനെ പരസ്യമായി ലാളിക്കുന്നത് അവതരിപ്പിച്ചുകൊണ്ടുള്ള നാടകങ്ങള്‍ സ്റ്റേജുകളില്‍ ഞങ്ങള്‍ അവതരിപ്പിക്കും. ആണ്‍നായകര്‍ തമ്മിലുള്ള പ്രണയം ചിത്രീകരിച്ചുകൊണ്ടുള്ള സിനിമകള്‍ ഞങ്ങള്‍ എടുക്കും. സിനിമാസ്‌ക്രീനുകളില്‍ ഇപ്പോള്‍ അധീശത്വമുള്ളതാണതും. ഉപരിപ്ലവവും വിരസവും കാല്‍പനികവും അപക്വവുമായ എതിര്‍വര്‍ഗാനുരാഗമതിഭ്രമത്തെ ചിത്രീകരിക്കുന്ന സിനിമകള്‍ക്ക് പകരം അത്തരം സിനിമകള്‍ പ്രചാരത്തിലാവും. സുന്ദരന്മാരായ ആണുങ്ങളുടെയും ധീരരായ കായികാഭ്യാസികളുടെയും പ്രതിമകള്‍ കൊത്തിയുണ്ടാക്കി നിങ്ങളുടെ ഉദ്യാനങ്ങളിലും പൊതുചതുരങ്ങളിലും നഗരചത്വരങ്ങളിലും ഞങ്ങള്‍ സ്ഥാപിക്കും. ലോകത്തെങ്ങുമുള്ള മ്യൂസിയങ്ങള്‍ ആകര്‍ഷകങ്ങളായ നഗ്‌നബാലന്മാരുടെ ഛായച്ചിത്രങ്ങളാല്‍ നിറയും. ഞങ്ങളുടെ എഴുത്തുകാരും കലാകാരന്മാരും പുരുഷന്മാര്‍ തമ്മിലുള്ള പ്രണയം പരിഷ്‌കൃതവും ധാര്‍മ്മികവുമാണെന്ന് വരുത്തിത്തീര്‍ക്കും. ഫാഷന്‍ നിര്‍മ്മിക്കുന്നതില്‍ നിപുണരാണ് ഞങ്ങളെന്നതിനാല്‍ അതില്‍ ഞങ്ങള്‍ വിജയിക്കുക തന്നെ ചെയ്യും. പരിഹാസം, അവഹേളനം, വെറുപ്പുല്‍പാദനം തുടങ്ങി ഞങ്ങള്‍ക്ക് നല്ല നൈപുണ്യമുള്ള തന്ത്രങ്ങളിലൂടെ എതിര്‍വര്‍ഗ ലൈംഗികതയുടെ എല്ലാ കെട്ടുപാടുകളെയും ഞങ്ങള്‍ ഇല്ലാതെയാക്കും.
എതിര്‍വര്‍ഗാനുരാഗത്തിന്റെ കപടവേഷം ധരിച്ച അധികാരികളായ സ്വവര്‍ഗാനുരാഗികളെ ഞങ്ങള്‍ അനാവരണം ചെയ്യും. നിങ്ങളോട് അടുപ്പമുള്ളവരും യാഥാസ്ഥിതികരും എതിര്‍വര്‍ഗാനുരാഗത്തിന്റെ പ്രതിരൂപങ്ങളാണെന്ന് നിങ്ങള്‍ കരുതിപ്പോരുന്നവരുമായ നിങ്ങളുടെ പ്രസിഡന്റുമാരും അവരുടെ മക്കളും വ്യവസായികളും സെനറ്റര്‍മാരും മേയര്‍മാരും പടത്തലവന്മാരും കായികാഭ്യാസികളും സിനിമാ നടന്മാരും ടെലിവിഷന്‍ വ്യക്തിത്വങ്ങളും നാഗരിക നേതാക്കളും പുരോഹിതന്മാരുമൊന്നും ഇക്കാര്യത്തില്‍ സുരക്ഷിതരല്ലെന്ന സത്യമറിയുമ്പോള്‍ നിങ്ങള്‍ ഞെട്ടുകയും പേടിക്കുകയും ചെയ്യും. ഞങ്ങള്‍ എല്ലായിടങ്ങളിലുമുണ്ട്. നിങ്ങളുടെ അണികളിലേക്കെല്ലാം ഞങ്ങള്‍ നുഴഞ്ഞു കയറിയിട്ടുണ്ട്. സ്വവര്‍ഗാനുരാഗികളെക്കുറിച്ച് സൂക്ഷിച്ച് മാത്രം സംസാരിച്ചാല്‍ മതി. എന്തുകൊണ്ടെന്നാല്‍ ഞങ്ങളെപ്പോഴും നിങ്ങളോടൊപ്പമുണ്ട്. നിങ്ങളുടെ മേശക്ക് എതിര്‍വശത്തു തന്നെ ഞങ്ങളുണ്ടാകാം; നിങ്ങളുടെ കിടക്കയില്‍ നിങ്ങളോടൊപ്പം ഞങ്ങള്‍ കിടക്കുന്നുണ്ടാവാം.
യാതൊരുവിധ ഒത്തുതീര്‍പ്പുകളുമുണ്ടാവുകയില്ല. ദുര്‍ബലരായ മധ്യവര്‍ഗക്കാരല്ല ഞങ്ങള്‍. അതിബുദ്ധിമാന്മാര്‍; മനുഷ്യകുലത്തിന്റെ സാഭാവിക കുലീനര്‍; ഞങ്ങളാവശ്യപ്പെടുന്നതില്‍ നിന്ന് കുറഞ്ഞ യാതൊന്നുമായും അടിയറവ് പറയാത്ത ഉരുക്ക് മനസ്സുകളുള്ള പ്രഭുക്കള്‍. ഞങ്ങളെ എതിര്‍ക്കുന്നവര്‍ നാട് കടത്തപ്പെടും; മിഷിമ ചെയ്തത് പോലെ നിങ്ങളെ അതിജയിക്കുവാന്‍ ഞങ്ങള്‍ വിശാലമായ സ്വകാര്യ സൈന്യം രൂപീകരിക്കും. സ്വവര്‍ഗലൈംഗികതയുടെ അനുരാഗത്താലും ആദരവിനാലും പ്രചോദിപ്പിക്കപ്പെടുകയും കൂട്ടിച്ചേര്‍ക്കപ്പെടുകയും ചെയ്ത അജയ്യരായ സൈനികരാണെന്നതിനാല്‍ പൗരാണിക ഗ്രീക്ക് സൈനികരെപ്പോലെ ഞങ്ങള്‍ ലോകത്തെ കീഴടക്കും.
കള്ളങ്ങളും വഞ്ചനകളും അപൂര്‍ണ്ണതയും കാപട്യവും ബലാല്‍ക്കാരവും വിരിഞ്ഞിറങ്ങുന്ന കുടുംബസംവിധാനം തകര്‍ക്കപ്പെടും. ഭാവനയെ നിയന്ത്രിക്കുകയും സ്വാതന്ത്രേ്യച്ഛയെ നിരോധിക്കുകയും ചെയ്യുന്ന കുടുംബസംവിധാനം ഇല്ലാതെയാവുക നിര്‍ബന്ധമാണ്. ജനിതക ലാബറട്ടറികളില്‍ ദോഷമറ്റവരായ ആണ്‍കുട്ടികള്‍ നിര്‍മ്മിക്കപ്പെടുകയും വളര്‍ത്തപ്പെടുകയും ചെയ്യും. സ്വവര്‍ഗാനുരാഗികളായ വിദ്വാന്മാരുടെ നിയന്ത്രണത്തിനും പരിശീലനത്തിനും കീഴിലുള്ള സാമൂഹിക ചിട്ടയാല്‍ അവര്‍ പരസ്പര ബന്ധിതരായിരിക്കും.
ഞങ്ങളെ എതിര്‍ക്കുന്ന മതസഭകളെല്ലാം അടച്ചുപൂട്ടപ്പെടും. സുമുഖരായ യുവാക്കള്‍ മാത്രമായിരിക്കും ഞങ്ങളുടെ ദൈവങ്ങള്‍. സൗന്ദര്യത്തിന്റെയും സദാചാരത്തിന്റെയും സഹൃദയത്വത്തിന്റെയും ഒരു ഉപാസനാക്രമത്തോട് ഞങ്ങള്‍ ഒട്ടി നില്‍ക്കും. വിരൂപവും അപരിഷ്‌കൃതവും മുഷിപ്പിക്കുന്നതുമായ എല്ലാം നിര്‍മ്മൂലനം ചെയ്യപ്പെടും. മധ്യവര്‍ഗ്ഗ എതിര്‍വര്‍ഗാനുരാഗത്തിന്റെ സമ്പ്രദായങ്ങളില്‍ നിന്നെല്ലാം ഞങ്ങള്‍ അകറ്റി നിര്‍ത്തപ്പെട്ടതിനാല്‍, ശുദ്ധമായ ഭാവനക്ക് അനുസൃതമായ രീതിയില്‍ മാത്രം ഞങ്ങളുടെ ജീവിതം ജീവിക്കാന്‍ ഞങ്ങള്‍ക്ക് സ്വാതന്ത്ര്യമുണ്ടായിരിക്കും. കുറെയധികം ഞങ്ങള്‍ക്ക് മതിയാവുകയില്ല; അതിനേക്കാള്‍ കൂടുതല്‍ വേണ്ടിവരും.
അങ്ങനെ രൂപപ്പെടുന്ന മനോഹരമായ സമൂഹം ഭരിക്കുക ആണ്‍സ്വവര്‍ഗഭോഗികളായ കവികള്‍ ഉള്‍ക്കൊള്ളുന്ന ഉപരിവര്‍ഗമായിരിക്കും. സ്വവര്‍ഗഭോഗാസക്തിയില്‍ അധിഷ്ഠിതമായ ഈ പുതിയ സമൂഹത്തിന്റെ അധികാരപദവിയിലെത്താന്‍ അനിവാര്യമായും വേണ്ട കാര്യങ്ങളില്‍ പ്രധാനപ്പെട്ടത് ഗ്രീക്ക് അഭിനിവേശത്തിലുള്ള അമിത താല്‍പര്യമായിരിക്കും. എതിര്‍വര്‍ഗാനുരാഗത്തിലുള്ള ആസക്തിയാല്‍ മലിനപ്പെട്ട ആണുങ്ങള്‍ സ്വാധീനം ചെലുത്താനാകുന്ന സ്ഥാനങ്ങളില്‍ നിന്ന് സ്വാഭാവികമായും നീക്കം ചെയ്യപ്പെടും. എതിര്‍വര്‍ഗാനുരാഗമെന്ന വിഡ്ഢിത്തത്തില്‍ ഉറച്ച് നില്‍ക്കുന്ന പുരുഷന്മാരെ സ്വവര്‍ഗാനുരാഗികളുടെ നീതിന്യായകോടതിയില്‍ വിചാരണചെയ്യുകയും ശിക്ഷിക്കുകയും ചെയ്യും
നിങ്ങള്‍ എതിര്‍വര്‍ഗാനുരാഗത്തിന്റെ നുണകളാലും വക്രീകരണങ്ങളാലും അവഹേളിച്ചെഴുതിയ ചരിത്രം ഞങ്ങള്‍ തിരുത്തിയെഴുതും. ലോകത്തെ നിര്‍മ്മിച്ച മഹാന്മാരായ ചിന്തകരുടെയും നേതാക്കളുടെയും സ്വവര്‍ഗാനുരാഗത്തെ ഞങ്ങള്‍ ചിത്രീകരിക്കും. സ്വവര്‍ഗാനുരാഗം ബുദ്ധിയുമായും ഭാവനയുമായും വേര്‍പ്പെടുത്താനാവാത്ത വിധം ബന്ധിതമാണെന്നും പുരുഷനിലെ യഥാര്‍ത്ഥ കുലീനതക്കും സത്യസന്ധമായ സൗന്ദര്യത്തിനും സ്വവര്‍ഗാനുരാഗം അനിവാര്യമാണെന്നും ഞങ്ങള്‍ സ്ഥാപിക്കും.
തലമുറകളായുള്ള എതിര്‍വര്‍ഗാനുരാഗത്തിന്റെ പ്രദര്‍ശനങ്ങള്‍ക്ക് നടുവില്‍ സംസാരിക്കാനാകാതെ അടിച്ചമര്‍ത്തപ്പെട്ടവരുടെ അതിഘോരമായ കയ്പ്പിനാല്‍ ഊര്‍ജ്ജം നല്‍കപ്പെടുന്നതായതിനാല്‍ ഞങ്ങള്‍ വിജയിക്കുക തന്നെ ചെയ്യും. ആത്യന്തികമായ വിപ്ലവത്തിന്റെ പ്രതിരോധനിര തീര്‍ക്കുവാനും തോക്കെടുത്ത് വെടിവെക്കാനും വരെ കഴിയുന്നവരാണ് ഞങ്ങള്‍.
വിറയ്ക്കുക, എതിര്‍വര്‍ഗാനുരാഗികളായ പന്നികളേ, മുഖംമൂടികളില്ലാതെ ഞങ്ങള്‍ നിങ്ങളുടെ മുന്നിലെത്തുമ്പോള്‍ നിങ്ങള്‍ വിറ കൊള്ളുക!
('THE HOMOSEXUAL MANIFESTO---as to Congress in 1987 and implemented by the Entropic U. S. Supreme Court in 2015':
Quoted by Dr. Samuel A Nigro M.D, (Retired, Assistant Clinical Professor Psychiatry, Case Western Reserve University School of Medicine, Ohio 44118, USA) in MedCrave, Journal of Psychology and Clinical Psychiatry, June 02, 2016, Volume 6 Issue 1)
ലക്ഷ്യം വ്യക്തമാണ്. ഹെറ്ററോ നോര്‍മേറ്റിവിറ്റിയില്‍ നിന്ന് പുതിയ തലമുറയെ രക്ഷിക്കുകയാണത്. അതിന്ന് എന്തിനാണ് ജെന്‍ഡര്‍ ന്യൂട്രല്‍ യൂനിഫോം അടിച്ചേല്‍പ്പിക്കുന്നത്? അങ്ങനെ ചെയ്താല്‍ ഹെറ്ററോ നോര്‍മേറ്റിവിറ്റിയില്‍ നിന്ന് ഭാവി പൗരന്മാര്‍ മോചിതരാവുമോ? ഈ ചോദ്യങ്ങള്‍ക്ക് ക്വിയര്‍ തിയറിയുടെ വക്താക്കള്‍ക്ക് കൃത്യവും വ്യക്തവുമായ മറുപടിയുണ്ട്.
ലൈംഗികാഭിനിവേശത്തിന്റെ വര്‍ണ്ണരാജിയില്‍ ഒരറ്റത്തുള്ള ദ്വിവര്‍ഗ്ഗ ലൈംഗികത മാത്രം പ്രകൃതിപരവും മറ്റെല്ലാം പ്രകൃതിവിരുദ്ധവുമായി കരുതപ്പെടുന്നതിനുള്ള കാരണം ചരിത്രത്തിലുടനീളം നിര്‍ബന്ധിത എതിര്‍വര്‍ഗ ലൈംഗികത (Compulsory Heterosexuality) അടിച്ചേല്‍പിക്കപ്പെട്ടതാണെന്നാണ് ക്വിയര്‍ തിയറി പറയുന്നത്. ആണധികാരം നിലനിര്‍ത്താനുള്ള രാഷ്ട്രീയായുധമായി ആണ്‍കോയ്മാ വ്യവസ്ഥിതികള്‍ എതിര്‍വര്‍ഗ ലൈംഗികതയെ ഉപയോഗിച്ചതുകൊണ്ടാണ് അത് നോര്‍മലും മറ്റെല്ലാം അബ്‌നോര്‍മലുമായി കരുതപ്പെടുന്ന സ്ഥിതിയുണ്ടായത് എന്നാണ് തിയറി. ലൈംഗികാഭിനിവേശത്തിന്റെ വര്‍ണ്ണരാജിയിലെ എല്ലാതരം ആസ്വാദനങ്ങളും അനുഭവിക്കാനാവുന്ന അവസ്ഥയുണ്ടാകണമെങ്കില്‍ എല്ലാ തരം ലൈംഗികാഭിനിവേശങ്ങളെയും സ്വാഭാവികമായി കരുതുന്ന സ്ഥിതിയുണ്ടാകണം. LGBTQIA+ വര്‍ണ്ണരാജിയിലെ എല്ലാതരം ലൈംഗികാഭിനിവേശങ്ങളും നോര്‍മലാണെന്ന ബോധം തലച്ചോറിലേക്ക് സന്നിവേശിക്കപ്പെടണം. എതിര്‍ വര്‍ഗ ലൈംഗിക സ്വാഭാവികതാ പൊതുബോധം തകര്‍ക്കപ്പെടണം. അത് തകര്‍ക്കുന്ന രീതിയില്‍ മാനവസ്ഥാപനങ്ങളെല്ലാം ഉടച്ചുവാര്‍ക്കപ്പെടണം. നിയമവും സമൂഹവും ഹെറ്ററോ നോര്‍മേറ്റിവ് ആയ അവസ്ഥയ്ക്ക് മാറ്റമുണ്ടാകണം. എല്ലാ സാമൂഹികസ്ഥാപനങ്ങളെയും ഹോമോനോര്‍മേറ്റീവും ക്യുയെര്‍ നോര്‍മേറ്റീവുമെല്ലാമാക്കി മാറ്റണം. അങ്ങനെ മാറ്റുന്നതിന് വേണ്ടിയുള്ള വഴിവിട്ട പരിശ്രമത്തിന്റെ പേരാണ് ജെന്‍ഡര്‍ പൊളിറ്റിക്‌സ്.
ഹെറ്ററോ നോര്‍മേറ്റിവിറ്റിയെ തകര്‍ക്കുന്നതിന് വേണ്ടിയുള്ള പരിശ്രമത്തിന്റെ ഒന്നാം ഘട്ടം നിയമനിര്‍മ്മാണമായിരുന്നു. ലോകത്തെ ഒരുവിധം എല്ലാ ജനാധിപത്യരാജ്യങ്ങളിലും സ്വവര്‍ഗാനുരാഗവും സ്വവര്‍ഗവിവാഹവുമെല്ലാം നിയമം മൂലം അനുവദിക്കപ്പെടുന്ന സ്ഥിതിയുണ്ടായത് ജെന്‍ഡര്‍ പൊളിറ്റിക്‌സിന്റെ ലോബിയിങ് വഴിയാണ്. അതിനായി LGBTQIA+ വര്‍ണ്ണരാജിയിലെ ലൈംഗികാഭിനിവേശങ്ങളെല്ലാം പ്രകൃതിപരവും ജനിതകവുമാണെന്ന് വരുത്തിത്തീര്‍ക്കുന്നതിനായുള്ള, ശാസ്ത്രീയമെന്ന പേരിലുള്ള ഗവേഷണങ്ങള്‍ പ്രസിദ്ധീകരിക്കപ്പെട്ടു; പ്രസ്തുത ഗവേഷണങ്ങളെ ചോദ്യം ചെയ്യുന്ന രീതിയിലുള്ള പഠനങ്ങളൊന്നും അനുവദിക്കാത്ത സാമൂഹികാവസ്ഥ സൃഷ്ടിക്കപ്പെട്ടു. അങ്ങനെ ആരെങ്കിലും പഠനങ്ങള്‍ നടത്തിയാല്‍ അവര്‍ ഉപദ്രവിക്കപ്പെടുന്ന സ്ഥിതിവിശേഷമുണ്ടാക്കിത്തീര്‍ത്തു. സ്വവര്‍ഗാനുരാഗിയായ ഒരാളെ അതില്‍ നിന്ന് മാറ്റാന്‍ ശ്രമിക്കുന്നതും അതിന്നായി ഗവേഷണങ്ങളും പഠനങ്ങളും നടത്തുന്നതുമെല്ലാം ക്രിമിനല്‍ കുറ്റങ്ങളായി പരിഗണിക്കപ്പെടുന്ന സ്ഥിതിയുണ്ടാക്കുവാന്‍ മാത്രം ശക്തമാണ് ജെന്‍ഡര്‍ പൊളിറ്റിക്‌സ്.
ഹോമോ നോര്‍മേറ്റീവിറ്റിയും ക്യുയെര്‍ നോര്‍മേറ്റീവിറ്റിയും അടിച്ചേല്‍പ്പിക്കുന്നതിന്റെ അടുത്ത ഘട്ടം സാമൂഹികമായ മാറ്റമാണ്. അതിന് സമൂഹത്തില്‍ ആണ്‍-പെണ്‍ വ്യത്യാസങ്ങള്‍ പരിഗണിക്കാത്ത സ്ഥിതിവിശേഷം സൃഷ്ടിക്കപ്പെടണം. കുട്ടികളുടെ വ്യക്തിത്വരൂപീകരണത്തിന്റെ പ്രാഥമിക ഘട്ടത്തില്‍ തന്നെ ഇടപെട്ടാല്‍ അതിന് കഴിയുമെന്ന് പെരുമാറ്റ മനഃശാസ്ത്രം (Behavioral Psychology) അവരെ പഠിപ്പിച്ചിട്ടുണ്ട്. ഓരോ കുട്ടിയെയും താന്‍ ആണ്‍കുട്ടിയാണോ പെണ്‍കുട്ടിയാണോ എന്ന് തിരിച്ചറിയാന്‍ കഴിയാത്ത വിധം വളര്‍ത്തിയാല്‍ ആണ്‍- പെണ്‍ വ്യത്യാസങ്ങളറിയാതെ അവര്‍ വളര്‍ന്നു വരും. അങ്ങനെ വളര്‍ന്നുവരുന്നവര്‍ ലൈംഗികത്വരയുണ്ടാകുന്ന കൗമാരത്തിലെത്തിയാല്‍ വികാരശമനത്തിന് തങ്ങള്‍ക്ക് കാമ്യമെന്ന് തോന്നുന്ന രീതികള്‍ സ്വീകരിക്കാന്‍ അവര്‍ക്ക് സ്വാതന്ത്ര്യമുണ്ടാകും. LGBTQIA+ വര്‍ണ്ണരാജിയിലെ തങ്ങളുടെ സ്ഥാനമെന്താണെന്ന് തീരുമാനിക്കാന്‍ അപ്പോള്‍ അവര്‍ക്ക് കഴിയും. ഹെറ്ററോ നോര്‍മേറ്റിവിറ്റിയെ തകര്‍ത്തുകൊണ്ടല്ലാതെ അതിന്ന് കഴിയില്ലെന്നാണ് ക്വിയര്‍ തിയറിയുടെ വക്താക്കള്‍ കരുതുന്നത്.
ആണ്‍കുട്ടിയാണോ പെണ്‍കുട്ടിയാണോ എന്ന് സ്വയം തിരിച്ചറിയാന്‍ കഴിയാതെ ഒരാളെ വളര്‍ത്തണമെങ്കില്‍ ആദ്യം അവരുടെ വസ്ത്രധാരണത്തിലെ വൈവിധ്യങ്ങള്‍ എടുത്ത് കളയണം. ഉപദേശം കൊണ്ട് മാത്രം കഴിയുന്നതല്ല ഇത്; അല്‍പം ശക്തി ഉപയോഗിക്കേണ്ടി വന്നാലും കുഴപ്പമില്ല. എന്നാല്‍ അങ്ങനെ ശക്തി ഉപയോഗിക്കുന്നത് മൂലം ആരുടെയെങ്കിലും സ്വാതന്ത്ര്യം ഹനിക്കപ്പെട്ടുവെന്ന് തോന്നാനും പാടില്ല. അതിനാണ് സ്‌കൂള്‍ യൂനിഫോമില്‍ നിന്ന് തന്നെ തുടങ്ങുന്നത്. നിര്‍ബന്ധമായും അണിയേണ്ടതായതിനാല്‍ അത് കുട്ടികള്‍ അണിയേണ്ടി വരും. സ്ത്രീ-പുരുഷ സമത്വത്തിന് വേണ്ടിയാണ് അതെന്ന് കൊട്ടിഘോഷിച്ചാല്‍ പൊതുവെ ലിബറല്‍ മൂല്യങ്ങള്‍ പേറുന്ന സമൂഹം അത് സ്വീകരിക്കാന്‍ വൈമുഖ്യം കാണിക്കുകയില്ല. ആണ്‍-പെണ്‍ സൗഹൃദത്തിന് കൂടുതല്‍ കഴിയുമെന്ന ധാരണയുണ്ടാക്കിയാല്‍ കൗമാരക്കാരായ കുട്ടികളില്‍ നിന്ന് എതിര്‍പ്പുകളൊന്നും ഉണ്ടാവുകയുമില്ല. സ്‌കൂളിനകത്ത് നിന്ന് തുടങ്ങുന്ന ശീലം മെല്ലെ വീടുകളിലേക്കും സമൂഹത്തിലേക്കും വ്യാപിക്കും. ആണും പെണ്ണും തിരിച്ചറിയാത്ത അവസ്ഥയുണ്ടാക്കാന്‍ അതുവഴി കഴിയുമെന്നാണ് എല്‍ജിബിറ്റി ആക്ടിവിസ്റ്റുകള്‍ കരുതുന്നത്. അതുവഴി മെല്ലെ ഹെറ്ററോ നോര്‍മേറ്റിവിറ്റിയെ തകര്‍ക്കുവാന്‍ കഴിയുമെന്ന് അവര്‍ സ്വപ്‌നം കാണുകയും ചെയ്യുന്നു.
ജെന്‍ഡര്‍ ന്യൂട്രല്‍ യൂനിഫോമുകള്‍ വഴി ആണ്‍കുട്ടിയേയും പെണ്‍കുട്ടിയേയും തിരിച്ചറിയാന്‍ കഴിയാത്ത അവസ്ഥയുണ്ടായിക്കഴിഞ്ഞാല്‍ അടുത്ത പടിയിലേക്ക് കയറാന്‍ കുട്ടികള്‍ തന്നെ സ്വയം നിര്‍ബന്ധിതരാകും. അതിനനുസൃതമായ രീതിയില്‍ മുടിയും ഉടയാടകളും സ്വീകരിക്കാന്‍ സ്വയം നിര്‍ബന്ധിക്കപ്പെടുന്ന സ്ഥിതിയുണ്ടാവും. ഒരേ രൂപത്തിലാകുന്നതിനായി മുടി മുറിക്കുകയോ നീട്ടി വളര്‍ത്തുകയോ ചെയ്യാന്‍ എല്ലാവരും സ്വയം നിര്‍ബന്ധിക്കപ്പെടുകയും അതിന് സന്നദ്ധരാവുകയും ചെയ്യും. ആണ്‍- പെണ്‍ വ്യത്യാസങ്ങളില്ലാതെ ഇടപഴകല്‍ അങ്ങനെ സ്വാഭാവികമായിത്തീരും. ആണ്‍കുട്ടികളെയും പെണ്‍കുട്ടികളെയും ഒരേ ബെഞ്ചില്‍ അടുത്തടുത്തിരുത്തിക്കൊണ്ട് തുറന്ന ഇടപെടലുകള്‍ക്കുള്ള അവസരങ്ങള്‍ നേരത്തെ തന്നെ ഉണ്ടാക്കിത്തുടങ്ങിയിട്ടുണ്ട്. കൗമാരത്തിന് മുമ്പ് തന്നെ ജെന്‍ഡര്‍ ന്യൂട്രല്‍ ഹോസ്റ്റലുകളില്‍ കഴിയാന്‍ വൈമനസ്യമൊന്നുമില്ലാത്ത സ്ഥിതിവിശേഷമുണ്ടാവുകയും അത്തരം ഹോസ്റ്റലുകള്‍ വ്യാപകമാവുകയും ചെയ്യും. ജെന്‍ഡര്‍ ന്യൂട്രല്‍ ടോയ്ലെറ്റുകളും ഇതോടൊപ്പം വ്യാപകമാവും. ആണും പെണ്ണും ഒരേപോലെ ഇടപഴകുന്ന സ്ഥിതിയുണ്ടായാല്‍ അവര്‍ തമ്മില്‍ കണ്ടാല്‍ പോലും മനസ്സിലാകാത്ത അവസ്ഥയുണ്ടാകും. ഇങ്ങനെയെല്ലാമാണെങ്കിലും കൗമാരത്തിലെത്തുന്നതോടെ ജന്തുസഹജമായ ലൈംഗികതൃഷ്ണ അവരില്‍ രൂപപ്പെടും. അപ്പോള്‍ ലൈംഗികാസ്വാദനത്തിന് ആരെങ്കിലും ഒരാള്‍ മതിയെന്ന മാനസികാവസ്ഥയിലെത്തും.
ലൈംഗികാഭിനിവേശത്തിന്റെ വര്‍ണ്ണരാജിയിലെ തങ്ങള്‍ക്ക് ആസ്വാദകരമായി തോന്നുന്ന സ്വവര്‍ഗാനുരാഗം മുതല്‍ മൃഗരതി വരെയുള്ള ഏത് നിറവും സ്വീകരിക്കുവാന്‍ അവര്‍ക്ക് കഴിയും. ഒരു നിറത്തില്‍ നിന്ന് അടുത്ത നിറത്തിലേക്ക് ചാടാനും അവര്‍ക്ക് പ്രയാസമൊന്നുമുണ്ടാവില്ല. തങ്ങള്‍ക്ക് ഇഷ്ടപ്പെടുന്ന ഒരാളുമായോ ഒന്നിലധികം പേരുമായോ അവര്‍ രതിസുഖം പങ്കുവെക്കും. ആടോ പന്നിയോ പട്ടിയോ കുരങ്ങോ തന്റെ ഇണയായി വന്നാലും ആ രതിയില്‍ അയാള്‍ക്ക് കുറ്റബോധമൊന്നുമുണ്ടാവുകയില്ല. ഇതാണ് ഹെറ്ററോ നോര്‍മേറ്റിവിറ്റിയുടെ ഭാരത്തില്‍ നിന്ന് രക്ഷപ്പെട്ട ലോകത്തെക്കുറിച്ച ക്യുയെര്‍ സ്വപ്‌നം. ഈ സ്വപ്‌നത്തിലേക്ക് നയിക്കുന്നതിന്റെ ആദ്യപടിയായി നടപ്പാക്കുന്നതാണ് എന്നതിനാലാണ് ജെന്‍ഡര്‍ ന്യൂട്രല്‍ യൂനിഫോം അപകടകരമാണെന്ന് പറയുന്നത്, അല്ലാതെ ഏതെങ്കിലും ഒരു വസ്ത്രത്തോട് പ്രത്യേക വിരോധമെന്തെങ്കിലും ഉള്ളതുകൊണ്ടല്ല.
(തുടരും)
Comments